PANUHOT... KABUHI UG AYRE

masama na talaga pakiramdam ko... parang biglang may sumakit sa likod ko.

Ilang araw din akong lumalakad ng paika-ika.

Nagsimula eto nung naligo ako.

Pagkatapos kong labhan ang aking nabasang damit, tumayo ako para isampay ang mga ito.

Yun na po... di na ako nakatayo ng tuwid.



ng malaman ng mga kababaihan ng iglesia ang aking naramdaman

pinatawag nila ang hilot ng bayan...

isang babaeng may dinaramdam din

ngunit di alintana ang kanyang karamdaman

maibsan lang ang dalamhati ng iba.



hinilot nya ako... habang nakapalibot ang anim na mga babae

may tagahawak ng haplas ... may taga-abot ng papel

ang papel na pinutol-putol

pinahiran ng pili at dinikit sa iba'tibang bahagi ng aking katawan



eto daw ang ulo ng ayre... sabi ni Mana Bining ang hilot.

matapos niyang mahuli ang ulo ng ayre

na syang nagbibigay sa akin ng sakit

tinapalan nya ito ng papel na may ipil.



andami ko daw'ng panuhot

bigkas niya habang hagod-hagod niya ang buo kong likod.

di ko muna puedeng maligo

wika niya.

paglalabas ka magjacket ka

ng di madagdagan ang iyong panuhot

pinatihaya nya ako...

at hinagod ang aking tiyan.

masaya niyang ibinalita sa mga kababaihan

nasa lugar na ang kanyang kabuhi

mabuti sana kung maitali natin ito para

"dili kabuhi ang kabuhi"

at naghanap na sila ng maitatali sa aking baywang



iba't -ibang babae... may kanya-kanyang dinaramdam

ngunit sama-sama para maibsan

ang sakit na dinaramdam ng isa

may taga takip sa aking hita

wag ka nang mahiya, puros naman tayo dito babae

may nagsasaing sa kusina

may taga takbo para kunin kung ano mang hingin ni Mana Bining.



Iba't ibang babae

sama-sama't tulong-tulong

para itali ang kabuhi

at paalisin ang panuhot at ayre.